Том Холанд ќе му се придружи на Мет Дејмон во новиот филм на Кристофер Нолан, за кој засега ништо не се знае. Нолан го напишал сценариото и ќе го режира филмот, кој веќе има датум на премиерата – 17 јули 2026, како што претходно објави студиото „Јуниверзал“.
Деталите од дејството се држат во тајност, но извори од продукцијата кажаа дека филмот нема да се случува во сегашно време.
Нолан е и продуцент на филмот, заедно со својата деловна партнерка и сопруга Ема Томас. Тој и „Јуниверзал“ првпат соработуваа на „Опенхајмер“, кој годинава триумфираше на Оскарите.
Дејмон веќе двапати снимаше со Нолан, додека Холанд, кој се прослави како Спајдермен, првпат ќе глуми во негов филм.
(Фото: АП)
