Адам Сендлер по 29 години се враќа на терен за голф во официјалниот трејлер за „Хепи Гилмор 2“, кој исто така открива дека долгоочекуваното продолжение на комедијата ќе започне да се прикажува на 25 јули на „Нетфликс“.
На Сендлер во продолжението му се придружуваат членовите на оригиналната актерска екипа Џули Боувен, Кристофер Мекдоналд и Бен Стилер, а нови лица се пејачот Бед Бани, НФЛ-ѕвездата Тревис Келси, Маргарет Квали и ќерките на Сендлер, Сејди и Сани. Во филмот се појавуваат и вистински професионални голфери, како Џон Дејли, Скоти Шефлер, Рори Мекилрој и Брајсон Дешамбо.
Кајл Њувачек го режираше „Хепи Гилмор 2“, а сценаристи се Сендлер и Тим Херлихи.
