„Ворнер брос“ даде прв увид во дебито на Роберт Патинсон во улогата на Бетмен, објавувајќи го првиот трејлер за „The Batman“, чија премиера е закажана за 1 октомври 2021.
Патинсон го наследува Бен Афлек како Мрачниот витез, а во актерската екипа се и Зои Кравиц како Кетвуман, Колин Фарел (Пингвин), Пол Дано (Ридлер), Џефри Рајт (комесарот Гордон), Енди Серкис (Алфред) и Џон Тортуро (мафијашот Кармајн Фалконе).
Претставувајќи го трејлерот, режисерот Мет Ривс беше дециден дека „Бетмен“ не е филм за неговото настанување. Филмот се случува во втората година од кариерата на Брус Вејн како Бетмен, период кога тој сѐ уште е само маскиран одмаздник.
„Бетмен тогаш сѐ уште не е Бетмен и многу луѓе сѐ уште се плашат од него. Ова не е приказна за неговото настанување, но има допирни точки со тоа“, појасни Ривс.
