Градскиот совет на Лос Анџелес едногласно одлучи да го зачува домот на Мерилин Монро во Брентвуд, каде што филмската ѕвездата живееше и умре, како историско-културен споменик, спасувајќи го од уривање.
Гласањето става крај на речиси едногодишната сага и напор да се спаси куќата од уништување.
Минатото лето, градското одделение за градежништво и безбедност издаде дозвола за уривање.
Градскиот совет тогаш едногласно го одобри итниот предлог на советничката Трачи Парк да го блокира уривањето и да започне процесот на назначување на куќата како историска зграда. Парк ја претставува областа во која се наоѓа куќата. Гласањето за зачувување беше последниот чекор во процесот.
Сопствениците на домот го тужеа градот за ова прашање во мај, тврдејќи дека прават „злоупотреба на власта“.
„Веројатно нема жена во историјата или културата која ќе ги освои симпатиите на јавноста како што тоа го правеше Мерилин Монро. Дури и сите овие години подоцна, нејзината приказна сè уште одекнува и инспирира многумина од нас“, рече таа. „Да се изгуби овој дел од историјата, единствениот дом што Мерилин Монро некогаш го имала, би било катастрофален удар за историското зачувување и за градот каде што помалку од 3% од историските ознаки се поврзани со женското наследство“, рече советничката Парк.
