Јапонската козметичарка Наоми Аримото го решава светското загадување од пластика така што ја става во вештачките нокти кои им ги прави на нејзините клиентки.
На плажата во близина на нејзиниот дом јужно од Токио, Аримото внимателно избира ситни парчиња пластика што може да ги обликува во украсни врвови за да ги стави на ноктите во нејзиниот салон. Таа дошла на оваа идеја откако учествувала во чистење на заедницата долж брегот.
„Станав свесна за еколошките проблеми во моментот кога со свои очи видов колку пластичен отпад има во океанот. Ова е ужасно“, рече 42-годишната Аримото.
Според Меѓународната унија за зачувување на природата, се проценува дека се фрлаат околу 20 милиони тони пластичен отпад. Самитот на Обединетите нации во Бусан, Јужна Кореја, кој започнува на 25 ноември, има за цел да создаде историски договор, што ќе постави глобални ограничувања на производството на пластика.
Аримото отвори салон за нокти во нејзиниот дом во 2018, откако заболување на ‘рбетот ја принуди да се откаже од кариерата како социјален работник, а таа го користи морското ѓубре за изработка на уметност за нокти од 2021. За да ги собере суровините, користи прилагодена инвалидска количка за да ја пребарува блиската плажа секој месец и да собере микропластика што можеби ја пропуштиле другите чистачи.
