Титула во Бундеслигата, финале на Германскиот куп, фаворити за освојување на Лига Европа, ниеден пораз на сите фронтови: првата полна сезона на Чаби Алонсо како тренер не можеше да биде подобра. Некогашниот шпански репрезентативец го предводеше Баер Леверкузен до првата шампионска титула во неговата 120-годишна историја, само година и пол откако дојде на клупата во моментот кога екипата беше во зоната на испаѓање.
![](https://smart.sdk.mk/wp-content/uploads/2024/04/download-4-1-602x410.webp)
Алонсо ја почна и играчката и тренерската кариера во Реал Сосиедад, со кој неговиот татко Перико двапати беше првак на Шпанија во 1980-тите. За овој клуб повеќе од 100 меча одигра и братот на Чаби, Микел. По одличните настапи за Ливерпул и Реал Мадрид, Алонсо дојде во Баерн, каде што заврши со играњето во 2017 на 35 години.
„Јас сум Баскиец, целосен Баскиец, но со големо германско влијание“, вели Алонсо.
![](https://smart.sdk.mk/wp-content/uploads/2024/04/download-1-2-621x410.webp)
Иако најголем дел од кариерата помина надвор од Шпанија, Алонсо вели дека двајца шпански тренери имале најголемо влијание врз него: Рафа Бенитес и Пеп Гвардиола. И двајцата имаат кажано дека виделе тренер во него.
Посед и прагматичност се некои од најзначајните особини на тренерскиот стил на Алонсо, кој и како играч од средниот ред многу се потпираше на својата способност за анализирање.
„Тој ја разбира играта и љубопитен е. Секогаш однапред знаеше што ќе треба да направиме за да победиме на следните натпревари“, кажа Гвардиола, кој му беше тренер на Алонсо во Баерн.
![](https://smart.sdk.mk/wp-content/uploads/2024/04/download-2-1-655x410.webp)
И покрај тоа што е голема желба на Ливерпул и Баерн, Алонсо најави дека и следната сезона ќе биде тренер на Баер.
„Има многу причини за тоа и многумина играчи. Сезоната досега беше одлична и сакаме заедно да го продолжиме ова. Се чувствувам како дел од тоа“, кажа Алонсо.
(Фото: АП)