Стриминг гигантот „Нетфликс“ склучи договор со компанијата за играчки „Џазверс“ за серија производи инспирирани од хит-серијата „Чудни нешта“ (Stranger Things). Последната сезона се снимаше цела година и засега е познато дека ќе излезе во втората половина на годината.
„Џазверс“ е најпозната по производството на кадифени играчки. Според договорот, нема да се прават само кадифени играчки, туку и фигури, комплети игри, колички и костими инспирирани од ТВ-серијата.
„Браќата Дуфер создадоа неверојатно богат свет кој е преполн со носталгија од 1980-тите, референци за поп-културата и одлични ликови. Целта е да им обезбедиме на обожавателите производи што ќе ги одразуваат деталите и истиот квалитет на раскажување приказни како серијата“, изјави Џош Сајмон, потпретседател за производи за широка потрошувачка на „Нетфликс“.
(Фото: Нетфликс)
