„Авалон продукција“ објави обемна листа имиња кои ќе бидат дел од новото издание на фестивалот „Охрид колинг“, што ќе се одржи од 31 јули до 2 август. Вкупно 13 музичари, главно диџеи, ќе настапат на тридневната забава во охридската касарна, а домашната електронска сцена ќе ја претставуваат Деловски и 19-годишната охриѓанка Јана Слави.

Дел од учесниците организаторите ги најавуваат како големи хитмејкери и некои од најактуелни имиња на светската денс сцена, како австралиското женско дуо „Нерво“, „Винаи“, Регард и холандското дуо Санери Џејмс/Рајан Марчано.

Иако локацијата собира 15.000 луѓе, во продажба ќе бидат пуштени само 5.000 влезници. Дневен билет ќе чини 1.000, а тридневен 2.000 денари.