Вечерва (16 април) од 20 часот, Филхармонијата ќе одржи велигденски концерт насловен „Per Aspera ad Astra“ („Низ трње до ѕвездите“). На концертот за првпат ќе биде изведена „Голема миса во Ц-мол“ од Волфганг Амадеус Моцарт.
Диригентка е Ребека Тонг од Индонезија, а како солисти ќе настапат сопранистките Милена Арсовска и Гонца Богоромова-Краповски, тенорот Благој Нацоски и басот Игор Дурловски. Настапува и хорот „Едикт“ од Ниш.
Маестра Ребека Тонг (фото) е матична диригентка на Симфонискиот оркестар на Џакарта и уметничка директорка на Ансамблот за современа музика во Џакарта. За време на студиите работела како асистентка во Филхармонискиот оркестар на Би-Би-Си и во Кралскиот филхармониски оркестар на Ливерпул. Магистрирала оркестарско диригирање на Музичкиот конзерваториум во Синсинати, САД.
