На Охридско лето вечерва (16 август) од 21 часот во црквата „Св. Софија“ ќе настапи француската пијанистка Софија Вајан. Нејзиниот концерт е во рамките на традиционалната француска вечер на фестивалот, што се одржува со поддршка на Амбасадата на Франција и Францускиот институт од Скопје.
Вајан дипломирала со највисоки оценки на Конзерваториумот во Лион и продолжила да се усовршува на високата школа за музика „Гилхол“ во Лондон, каде што магистрирала.
Репертоарот на Вајан е широк и содржи дела од барокниот период до дела на современи композитори, со особен акцент на новата француска композиторска школа.
