Третата вечер на Скопскиот џез фестивал ќе ја отвори американскиот саксофонист Стив Колмен со „Фајв елементс“, во 20 часот во Македонската опера и балет (МОБ), по него свири гитаристот Марк Рибо со „Млади филаделфијци“. На полноќ во Дaнсинг салата е концертот на британскиот поет и музичар Антони Џозеф.
Колмен е еден од основачите на таканареченото М-Басе движење, во чија рана фаза беа вклучени и Грег Озби и Касандра Вилсон.
Гитаристот Марк Рибо е великан на гитарата, кој му помогна на Том Вејтс да го дефинира својот нов музички правец. Во 35-годишната кариера Рибо објави над 20 албуми, а работел како придружен музичар на Том Вејтс, Дајана Крол, Елвис Костело, Ти-Боун Барнет, Каетано Велозо, Роберт Плант, Ален Гинзберг, Арто Линзи, Дејвид Силвијан.
Антони Џозеф е поет, писател, музичар и предавач роден на Тринидад, кој живее во Велика Британија, и ги спојува соул, фанк и карипските мелодии.
