Израелската пејачка Јасмин Леви ќе одржи концерт во Скопје, во Филхармонијата на 7 април од 20 часот.
Леви е родена и израсната на Блиски Исток. Пораснала под влијание на разни музички правци, од класичната музика до современиот џез, кои ги има и во нејзината музика.
Повеќето песни на Леви се на шпански јазик, а таа пишува музика инспирирана од нејзините музички идоли Лучано Павароти, Едит Пјаф, Били Холидеј и фламенко-пејачот Антонио Молина.
Концертот во Скопје го организира продукцијата „Старс енд море“.
