Култниот македонски рок бенд „Архангел“ со фронтменот Ристо Вртев го наполни Ракометното игралиште на концертот во Битола.
„Архангел“ одржа концерт во Битола по цели 20 години, и успеа да споји повозрасни и помлади генерации, љубители на нејзината музика која носи силни пораки. На концертот имаше од тинејџери до повозрасни битолчани.
Вртев е основач на „Архангел“, зад себе има големо музичко искуство, богато творештво, награди, концерти, настапи во живо, а сѐ уште со несмалена љубов зборува за музиката и сонува да снима песни и да одржува концерти. Текстовите му се фасцинантни, реални и сурови, а музиката е за сите генерации. Моќна и бесмртна, ја сакаат и младите кои се родени многу подоцна од нејзиното настанување.
Музичкото уживање кое го приредија во Битола беше во рамките на фестивалот „Битола отворен град“ организиран од МКЦ Битола.
Ж. ЗДРАВКОВСКА
