Светската гудачка атракција „Бонд“ ќе настапи во Филхармонијата на 19 мај, објави организаторот „Авалон продукција“. Овој женски квартет е основан во Лондон во 2000 и се состои од виолинистките Тања Дејвис и Иос Каунсел, виолистката Елспет Хенсон и виолончелистката Геј-Ји Вестерхоф.
Често нарекувана „Спајс грлс на класичната музика“, групата досега има објавено пет студиски албуми и две компилации, продадени во над пет милиони примероци. Нејзината музика претставува спој на класика и поп.
Картите по цена од 2.000 и 3.000 денари ќе бидат во продажба од среда.
(Фото: Фејсбук)
