Женскиот гудачки квартет „Дестини“ од Бугарија ќе одржи концерт во Скопје на 18 април во Филхармонијата. „Дестини квартет“ е меѓународен музички проект кој соработува со аранжерот Маурицио Абени, кој соработува со светски познатиот италијански тенор Андреа Бочели.
Квартетот свири преработки на светски познати хитови, а во Скопје ќе одржи двочасовен концерт, најави „МГ продукција“. Квартетот доаѓа во Скопје по настапите во Австрија, Франција и Велика Британија.
„Ќе гледаме двочасовно концертно шоу со интересна кореографија и впечатливи визуелни ефекти“, велат од продукцијата и најавуваат и гости на концертот.
Билетите се во продажба преку мрежата на Мк тикетс.
