На 27 март во Театар Комедија, на Светскиот ден на театарот, премиерно ќе се изведе претставата „Пар распар“ од Нил Сајмон, во режија на Нина Николиќ и во превод на македонски јазик на Маја Трајаноска-Ивановска.
Во претставата играат Валентин Костадиновски, Атанас Атанасовски, Григор Јовановски, Тони Денковски, Сергеј Димовски, Виктор Арсов, Жаклина Петровска и Маја Љутков.
Костимографка на преставата е Ивана Каранфиловска-Угуровска, сценографка е Вишња Вујовиќ, композитор е Оливер Јосифовски, соработник за сценски движења е Димитриос Сотириу, дизајн на светло е на Крис Јегер, а светломајстор е Слободан Илиоски.
Драмскиот текст „Пар распар“ на Сајмон првпат е поставен на Бродвеј во 1965 година. Оттогаш е адаптиран во различни форми, што вклучува филм, телевизиска серија и голем број сценски поставки низ целиот свет.
Фото: К. Галевски
