Принц Хари се реши да ја однесе неговата вереница за новогодишните празници на француската ривиера, а одморот им почна на мошне непредвидлив начин. Тие беа седнати во економската класа во авионот на „Бритиш Ервејс“, покрај тоалетите.
Изворите на „Дејли Мејл“ откриваат дека кралската двојка имала резервирано места на редовниот лет до Ница, а во обид да поминат незабележани од јавноста, поминаа на бордингот за нивниот утрински лет пред кој било друг, сместувајќи се на задните седишта на авионот.
Тие зафатија три реда од економската класа иако беа само со двајца телохранители. Патувањето во Франција за Хари и Меган е мал одмор пред да започнат сериозните подготовки за венчавката.
