Ричард Гир го доби второто дете, седум месеци пред да наполни 70 години.
Шпанскиот магазин „Хола“ објави дека неговата 36-годишна сопруга Алехандра Силва родила машко бебе пред неколку дена во Њујорк. Засега не е објавено како ќе му биде име.
Од бракот со Кери Лоуел, Гир го има 18-годишниот син Хомер Џејми. Алехандра, која потекнува од Шпанија, исто така има син од претходниот брак.
Гир и Силва се венчаа минатиот април на приватна граѓанска церемонија во Шпанија, а потоа го прославија тоа во неговиот дом во Њујорк. Тие се запознале во 2014 година во Италија, кадешто Алехандра во тоа време раководела со хотел.
