Сношти во Скопје, по 44. пат се одржа традиционалниот Светски ромски бал, настанот што за првпат го организираше Амди Бајрам, пратеникот и претседател на Сојузот на Ромите. По неговата смрт, организацијата ја презеде неговиот син Габриел Бајрам.
![](https://smart.sdk.mk/wp-content/uploads/2024/01/Roma-19.jpg)
Водителка на балот беше Лила Стојановска.
„Ромите отсекогаш биле најмирољубивиот народ на светот“, кажа Стојановска.
![](https://smart.sdk.mk/wp-content/uploads/2024/01/Roma-20.jpg)
Настанот во скопскиот хотел „Александар палас“ почна со традиционална ромска музика и настап на легендарниот пејач Мухарем Сербезовски.
![](https://smart.sdk.mk/wp-content/uploads/2024/01/Roma-21.jpg)
Имаше и настап на маѓионичар, кој изведе неколку трикови. Балот и годинава помина во весела атмосфера и со многу гости. Меѓу нив беа и премиерот Димитар Ковачевски и генералниот секретар на СДСМ, Миле Зечевиќ. Како ѕвезди на вечерта беа најавени српските фолк-пејачки Теа Таировиќ и Цеца Ражњатовиќ.
![](https://smart.sdk.mk/wp-content/uploads/2024/01/Roma-6.jpg)
![](https://smart.sdk.mk/wp-content/uploads/2024/01/Roma-14-1.jpg)
![](https://smart.sdk.mk/wp-content/uploads/2024/01/Roma-15.jpg)
Таировиќ настапи пред крајот на балот, а по неа Цеца Ражњатовиќ. Билет за балот за седење чинеше 150 евра.
![](https://smart.sdk.mk/wp-content/uploads/2024/01/arkan-1.jpg)
![](https://smart.sdk.mk/wp-content/uploads/2024/01/tea-t-4.png)
Се продаваа и билети за стоење, кои како пакет за шест лица со вклучено шише алкохолен пијалак беа 300 евра.