Околу три часа на ден траела трансформацијата на Колин Фарел во ликот на Пингвин за истоимената ТВ-серија на Ејч-Би-О, вели шминкерот Мајк Марино, кој работел на филмови како „Бетмен“, „Џокер“ и „Црниот лебед“. Фарел го игра Пингвин, главен играч во подземјето на Готам, во спиноф серијата за Бетмен, која се прикажува од 19 септември.
„Сè на него е направено рачно, а потоа се обликува и фрла во супермек силиконски материјал. Откако тој ќе се исушеше, ги земавме тие парчиња и секој ден ги лепевме на лицето на Колин Фарел. Секој милиметар од него беше покриен со лепак. Штом ќе стигневме до лицето на Колин, започнува протезата и не можете да видите каде започнува или завршува. Откако тоа беше направено, цртавме со бои. Чистевме секој детаљ, секоја пега, секој крвен сад. Ги лепевме фризурата и веѓите, па тој го облекуваше костимот. Тоа го правевме секој ден, а потребни беа околу 30-40 минути само за да го извадите. Тоа е навистина тежок и предизвикувачки процес кој навистина бара некого со трпение како на Колин и доволно актерска способност и харизма да се пробие низ целата таа силиконска гума и боја“, изјави Марино.
Kога Фарел првпат се погледнал во огледало откако ја ставил маската, повеќе не можел да се препознае.
„Се погледнав и видов нешто што ме гледа што не бев јас“, рече ирскиот актер, додавајќи дека моќната трансформација во Пингвин не се однесува само на неговиот изглед, туку тоа било и психолошка промена.
Марино изјави дека за ликот на Пингвин се инспирирал од повеќе личности, меѓу кои Харви Вајнстин и ликот на Фредо од „Кум“.
(Фото: Ворнер брос)
