Етно групата „Љубојна“ вечерва во 20 часот ќе одржи концерт со Македонската филхармонија, под диригентство на Џијан Емин.
Групата во 2001 година ја основаа контрабасистот Оливер Јосифовски и Вера Милошевска-Јосифовска и со вечерашниот концерт слават 18 години постоење.
„Убаво ми е што овој концерт, и покрај бројноста на музичарите, на некој начин сепак ќе биде интимно доживување на оваа музика, која е сосема нова. Вообичаено, музиката тргнува од концерт, а потоа се шири меѓу луѓето и тоа некако ’Љубојна’ низ годините го предлага како еден постојан циклус, како почеток на нова идеја“, рече Милошевска-Јосифовска во неодамнешно интервју за „Канал 77“.
