Фестивалот „Вечери на женски права“ ќе се одржи од 14 до 16 мај во летното кино на Кинотекатa. Ќе има проекции на три документарни филма. Влезот ќе биде бесплатен, а во случај на дожд, проекциите ќе се одржат во киносалата на Кинотеката. Со овој фестивал почнува со работа и нејзината летна сцена.
„Вечери на женски права“ е настан кој од 2010 се организира на различни локации во Скопје и нуди алтернатива за прославувањето на 8 Март.
Според програмата, на 14 мај ќе се прикаже филмот „Форте“ во режија на Дејвид Донели, следниот ден е „Денот на жената“ на Долија Гавански, а на 16 мај ќе може да се погледне „Тоа е тинејџерски свет – Вмрежени за секс, лаги и игри на моќ“ на Лин Глазиер. Фестивалот го организираат Институтот за човекови права и „Авард филм и видео“.
