Некаде во блиска иднина, „Ролс-ројс“ ќе го претстави „кјулинан“, неговиот прв модерен теренец, од кој се очекува да биде најбогато опремено и најскапо вакво возило на светот.
До тогаш, оваа титула ќе ја носи „карлман кинг“.
Овој шест тони тежок и блиндиран СУВ чини 1,56 милиони фунти.
Заснован на камионот „форд Ф-550“, „карлман кинг“ е дизајниран од кинеската компанија ИАТ и направен од нејзин тим во Европа, што го прави глобален производ.
Дизајнот на возилото Кинезите го опишуваат како „досега невиден празник за очи“. Според компанијата, дури 1.800 луѓе учествувале во дизајнирањето на „кралот“.
Тој е погонет од 6,8-литарски В10 мотор на „Форд“, долг е шест метри и тежок 4,5 тона, кои стануваат шест, ако се решите за блиндирана верзија. Брзината нема да биде негов адут, бидејќи е ограничена на 140 километри на час. Затоа, тука е луксузот.
Во внатрешноста на возилото, меѓу другото, ќе има апарат за кафе, фрижидер, телевизор со рамен екран, неонско осветлување и систем за прочистување на воздухот.
