„ПЕЖО“ СОЗДАДЕ ПОВЕЌЕ ОД КЛАСИЧЕН ТЕРЕНЕЦ СО НОВИОТ „408“

Париз, (Ројтерс)

„Пежо“ го претстави својот нов модел „408“, дизајниран како фастбек теренец.

Теренците (СУВ) се исклучително популарни во Европа во изминатите години, при што имале удел од 46% во вкупната продажбата на нови автомобили во Франција во мај. Но, во „Пежо“ веруваат дека нивната сеприсутност натерала некои возачи да побараат нешто пооригинално.

„Нашата цел се возачи кои посакуваат пооригинален и поиновативен стил од компактен СУВ“, велат од „Пежо“.

Главната особина на фастбекови е единечниот наклон од покривот кон задниот дел на возилото. Затоа „408“ е понизок и подолг од теренецот „3008“ и има течна и аеродинамична линија што му дава карактеристична силуета.

„408“ ќе се продава во Европа од почетокот, а во Кина од средината на 2023. Во почетокот ќе има бензинска и хибридна верзија, пред да стане целосно електричен.