На 23 јануари од 20 часот, во Филхармонијата ќе се одржи концертот „Филхармонија на кирилица“. Како солистка ќе настапи Нина Костова на пијано.
На репертоарот се Концерт за пијано и оркестар бр.3 во Це-дур, Оп. 26 од Прокофјев и Симфонија бр. 2 во це-мол, Оп.29 од Скрјабин. Диригент е Борјан Цанев.
Нина Костова повеќепати настапила како солистка со Филхармонијата, како и со Младинскиот симфониски оркестар „Добрин Петков“ од Пловдив, Камерниот оркестар „Св. Ѓорѓе“, Камерниот оркестар „Московија“, Симфонискиот оркестар на ФМУ. Соработува со значајни диригенти од Македонија и од странство. Работи како професорка на Факултетот за музичка уметност во Скопје.
Борјан Цанев е професор на Факултетот за музичка уметност во Скопје и диригент во Филхармонијата 20 години. Добитник е на признанијата „Виртуози – најдобар музички изведувач“ и „Ѓорѓи Божиков“. Специјализирал диригирање на Кралскиот музички колеџ во Лондон и таму ја добил наградата „Аугуст Манс“ за најдобар млад диригент.
