Музичката платформа „Терапија“ од Скопје ќе биде дел од „Мјуз икс Експофест Тирана 2025“, фестивал кој ќе се одржи од 11 до 13 април.
„Благодарение на оваа соработка, добиваме простор да ја претставиме нашата работа, да се вмрежиме со водечките имиња од индустријата и да станеме дел од една револуционерна музичка и уметничка платформа. Настанот не е само фестивал, туку експофест што комбинира изложба, настапи во живо и програма за развој на уметници. ‘Терапија’ ќе биде таму за да ја презентира својата визија, да ги сподели своите искуства и да учествува во креирањето на една нова музичка ера на Балканот. Овој настан обединува хип-хоп, електроника и рок, создавајќи простор каде што музиката и уметноста се спојуваат на уникатен начин“, велат од „Терапија“.
Фестивалот нуди интерактивни уметнички инсталации, културни активности и можности за поврзување со музички компании и институции. Целта е да ја обедини балканската музичка сцена.
