„Молитва“ е новата песна на Ивона Јо. Темелко Андреев ги напиша текстот, музиката и аранжманот, а тој е и режисер на спотот. За „Молитва“ вели дека е нејзина автобиографска песна.
„Ова не е само музичко издание, туку огледало на внатрешната борба, болка и победа над најтешкиот противник, себеси. Испеав универзална приказна за сите кои некогаш биле заробени во мрежата на негативни коментари, осуди и сомнежи, оние невидливи, но тешки товари што се таложат со години и ја извитоперуваат сликата за сопствената вредност“, вели поп-пејачката.
Таа имаше впечатлива изведба на ланскиот Макфест со песната „Себично“ и беше меѓу учесниците кои добија најголем аплауз од публиката.
