На 5 септември во камерната сала на Филхармонија од 20 часот, концерт ќе одржи оркестарот „Ноу бордерс“ во кој членуваат музичари од поранешните југословенски републики. Концертот е во рамките на нивната регионална турнеја „Turning Point“.
Од ансамблот, кој постои десет години, велат дека неговата цел е преку музиката да ги надмине етничките, религиозните и националните разлики. Во 2023 ја доби наградата „Шампион на регионална соработка“, која ја доделуваат Советот за регионална соработка и австриското Министерство за надворешни работи. Истата година оркестарот го сними своето прво издание за „Јуниверзал мјузик“.
На програмата се дела за гудачки ансамбл од Арнолд Шенберг, Рихард Штраус и Густав Малер и четири дела од млади регионални композитори нарачани од „Ноу бордерс“. Тоа се композиторите Нина Перовиќ (Црна Гора), Давор Винче (Хрватска), Марко Никодијевиќ (Србија) и Дарија Андовска (Македонија).
Билетите се продаваат преку мрежата на Мк тикетс.
