Актерката и продуцентка Сара Џесика Паркер ќе ја добие почесната награда „Керол Барнет“ на Златните глобуси на 8 јануари 2026.
„Нејзиното револуционерно влијание врз телевизијата и нејзината посветеност на раскажувањето приказни на сцената и екранот оставија неизбришлив белег во популарната култура“, изјави претседателката на Златните глобуси, Хелен Хоен.
Паркер има добиено четири актерски златни глобуси за серијата „Сексот и градот“. Златните глобуси објавија дека таа ќе биде наградена за нејзиниот придонес за телевизијата, а другата почесна награда „Сесил Б. ДеМил“ ќе ѝ припадне на Хелен Мирен.
Наградата „Керол Барнет“ првпат беше доделена во 2019, а самата Барнет беше првиот добитник. Оттогаш, таа им беше доделена на Елен Деџенерес, Норман Лир, Рајан Марфи и Тед Дансон.
Паркер го освои првиот Златен глобус во 2000 во категоријата најдобра актерка во комедија или мјузикл за улогата на Кери Бредшо во „Сексот и градот“. Вкупно беше номинирана деветпати.
