Вилијам Шатнер, легендарниот капетан Кирк од оригиналната серија „Ѕвездени патеки“, сними хеви метал албум на 94 години. Канадскиот актер кажа дека на албумот има обработки од „Ајрон мејдн“, „Блек сабат“ и „Џудас прист“, како и неколку авторски песни.
„Металот отсекогаш бил место каде што имагинацијата станува гласна. Овој проект е, буквално, собирање на силите. Секој уметник ги носи својот оган, својата прецизност, својот хаос“, кажа Шатнер.
На албумот гостуваат познати музичари како Зак Вајлд, Ричи Блекмор, Крис Поланд и Мајк Инез.
„На 94 години, човек нe забавува, туку го засилува звукот. Затоа, подгответе се. Храбро ќе ги тресеме главите таму каде што никој претходно не го правел тоа. Останете со нас, метал патувањето започнува оваа година“, напиша Шатнер на Икс.
Шатнер го глумеше Џејмс Кирк од 1966 година и денес ужива култен статус меѓу љубителите на научна фантастика.
