На 16 април од 20 часот, Националниот џез оркестар ќе одржи концерт насловен „Кубанска џез експлозија“. Гости се кубанскиот музичар Алаин Перез и неговата осумчлена ритам-секција „Ла оркестра“. Концертот ќе се одржи во Националната опера и балет и е дел од нивната европска турнеја.
„Со спој на салса, тимба и џез, концертот ветува вечер исполнета со ритам, страст и врвна музичка изведба“, велат од НЏО.
Алаин Перез е мултиинструменталист, пејач, композитор и продуцент со интернационална кариера. Своето светско признание го стекна како член на составот „Иракере“ и преку долгогодишната соработка со фламенко гитаристот Пако де Лусија. Добитник е на Греми награда и на Латино Греми и се смета за еден од најзначајните претставници на современата афрокубанска музика.
Билетите за концертот можат да се набават преку мрежата на Мк тикетс.
