Проекција на филмот „Бикини Мун“ на режисерот Милчо Манчевски и изложба на фотографии од Националниот џез оркестар се двата настана најавени за денеска (14 јули) на Скопско лето.
Проекцијата на „Бикини Мун“ е закажана во 20:15 часот во Кинотеката. Билетите се во продажба на karti.com.mk.
Мултимедијалната изложба „Трага во времето“ ќе се отвори во 20:30 часот во Музејот на Град Скопје.
„Поставката претставува дел од десетгодишниот пат на денешниот Национален џез оркестар, пат исполнет со творечка посветеност, заеднички стремежи и незаборавни моменти“, велат од Скопско лето.
Влезот е слободен.
