Од 21 до 29 септември во Спортскиот центар „Борис Трајковски“ во Скопје ќе се одржи Европското првенство ИДО 2026 во класичен балет, џез, модерен и современ танц. На натпреварувањето ќе учествуваат повеќе од 3.000 танчари од 26 европски земји.
Во пресрет на првенството е објавено промотивно видео со Стефанија Гаштарска (фото), првата македонска балерина која настапила на сцената на Бољшој театар во Москва. Видеото го спојува класичниот балет со македонската традиција и фолклор.
Продуцент е Трајче Петковски, снимател е Ненад Смиљковиќ, а музиката е на Александар Јовевски.
„Пресреќни сме што Скопје повторно ќе биде центар на европската танцова сцена и што ќе пречекаме повеќе од 3.000 врвни танчери од 26 европски земји. Особено ни е важно што преку овој настан ја промовираме македонската традиција“, велат организаторите, Трајче и Андријана Петковски од танцовото студио „Брејк а лег“.
Македонија во 2024 беше домаќин и на Светското првенство во хип-хоп.
