Британската кралска ковачница издаде златна монета тешка седум килограми во чест на новиот, 25. филм за Џејмс Бонд, „Не е време за умирање“.
Нејзината номинална вредност изнесува 7.000 фунти, најголема во историјата на ковачницата долга 1.100 години. Со дијаметар од 185 милиметри, таа е и најголемата монета некогаш изработена од официјалната Британска ковачница.
На монетата се изгравирани слика од омилениот автомобил на фиктивниот таен агент, „астон мартин ДБ5“ со славната регистрација BMT 216A, бројките 007 и револвер.
„Не е време за умирање“ оригинално требаше да има светска премиера на 31 март во Лондон, но поради ширењето на коронавирусот тоа е одложено за ноември.
