БЕТОНСКА ВАГИНА ОД 33 МЕТРИ ПРЕДИЗВИКУВА КОНТРОВЕРЗИ ВО БРАЗИЛ

Сао Пауло, (Гардијан)

Огромна бетонска скулптура на вагина, која беше отворена на 30 декември, предизвикува контроверзи во Бразил.

Рачно изработената скулптура долга 33 метри е дело на бразилската визуелна уметница Жулијана Нотари и е поставена на рид во рурален уметнички парк во сојузната држава Пернамбуко. Насловена „Дива“, 20 мажи 11 месеци работеле на скулптурата, која е широка 16, а длабока шест метри.

„Ова уметничко дело има за цел да го преиспита односот помеѓу природата и културата во нашето фалоцентрично и антропоцентрично западно општество“, напиша Нотари на Фејсбук.

Таа вели дека е изненадена од реакциите.

„Иако знаев дека ова е моќно уметничко дело, не очекував да има омраза кон него или дека ќе предизвика толку многу навредливи коментари на социјалните мрежи“.