Фудбалската федерација на Македонија ги претстави дресовите во кои репрезентацијата ќе игра на своето деби на европските првенства.
Тие се изработени од германската компанија за спортска опрема „Јако“, а колекцијата содржи црвена, бела и црна варијанта, чиј заеднички мотив е балканскиот рис. Од ФФМ кажаа дека дресовите се направени од рециклирани материјали.
Европското првенство, што ќе се игра во 11 држави, почнува на 11 јуни, а Македонија ќе дебитира два дена подоцна, против Австрија во Букурешт.
