„Шкода“ го претстави својот прв електричен теренец „енјак“ (enyaq iV), што извршниот директор Томас Шефер го опиша како „почеток на нова ера за компанијата“. „Енјак“ нуди три големини на батерија и е првиот модел на компанијата кој ја користи платформата за електрични автомобили МЕБ на групацијата „Фолксваген“.
Произведен во Чешка, овој теренец со средна големина (колку „шкода октавија“) е вториот целосно електричен модел на „Шкода“, по „ситиго“. Неговата почетна цена во Германија ќе биде 33.800 евра.
Во понудата се батерии од 55 (148 коњски сили), 62 (180) и 82 киловат-часови (204), што овозможува домет од 340 до 510 километри.
„Надворешниот дизајн е емотивен, моќен и динамичен, додека внатрешноста е инспирирана од модерните животни окружувања, при што се користени природни, одржливо процесуирани и рециклирани материјали“, вели Шефер.
