Австриските власти го објавија дизајнот што родната куќа на Адолф Хитлер ќе ја трансформира во полициска станица. Обновата треба да биде заврши до крајот на 2022 година и ќе чини пет милиони евра.
Жолтата куќа во северниот австриски град Браунау ам Ин, во која Хитлер се родил на 20 април 1889, беше ставена под владина контрола во 2016 година. Највисокиот суд во земјата потоа пресуди дека владата може да ја преземе зградата откако нејзиниот сопственик одбиваше да ја продаде. Минатиот ноември беше одлучено дека таа ќе биде пренаменета во полициска станица.
Иако Хитлер се родил во оваа куќа од 17. век, неговото семејство се отселило оттаму по само неколку недели и засекогаш заминало од градот кога тој наполнил три години.
