Графичкиот дизајнер и активист Зоран Кардула е автор на илустрациите за новите промотивни маици и торби на СМАРТ СДК.МК. Кардула вели дека барал модерен дизајн кој ќе се вклопи во концептот на сајтот.
„Сакав да направам модерен дизајн и истовремено да си играм со кирилицата. Така се склопија елементите, а се поврзани со вашиот сајт. Во моментот работам дизајн и илустрации за едно ново регионално списание, како и графичка визуелизација на едно кафуле, кое овие денови треба да се отвори. Секако, тука се и моите илустрации кои ги работам за сопствено задоволство и редовно ги постирам“, ни изјави Кардула.
Тој е автор и на илустрациите за рубриката „Да збориме за секс“ која своевремено одеше на СМАРТ СДК.МК.
„Новото е секогаш предизвик. Во случајот беше две во едно. Досега не сум работел за сајт, ниту пак на конкретната тема. Ми се виде како интересен предизвик и лесно се одлучив да го работам. Темата е неисцрпна“, изјави Кардула во 2017 година за соработката во рубриката.
