ЕРОТСКАТА ГОДИНА ВО ЖИВОТОТ НА ПИКАСО НА ИЗЛОЖБА ВО ПАРИЗ

Париз, (Ројтерс)
The daughter of Spanish painter Pablo Picasso, Maya Picasso is seen in front of her father's paintings during a visit by French president Emmanuel Macron (not pictured) at the "Picasso 1932: Erotic Year" exhibition at the Picasso museum in Paris, France, October 8, 2017. REUTERS/Ian Langsdon/Pool

„Пикасо 1932: eротска година“ е насловот на изложбата во Музејот на Пикасо во Париз со некои од најважните дела на славниот шпански сликар.
Изложбата, која ќе трае до февруари 2018 година, е посветена на клучната година за творештвото и животот на Пабло Пикасо, кога имал 51 годинa.

Голем број од изложените дела се позајмени од приватни колекции или од музеи низ светот (Фото: Ројтерс)

 

Пикасо насликал над 300 дела во 1932 година, а на изложбата во Париз се претставени околу 100.
„Ја насловивме 1932 година еротска, бидејќи еротиката била движечка сила во сликањето на Пикасо. Овие дела, најмногу слики, се набиени со силна еротска и сексуална моќ. Токму таа еротска моќ која ја имал Пикасо влијаела да наслика уште посилни и поекспресивни дела“, вели кураторот на изложбата, Виржини Пердриско.

За кураторите, 1932 е година на чудата во творештвото на Пикасо (Фото: Ројтерс)

 

Голем број од изложените дела се позајмени од приватни колекции или од музеи низ светот.
Во поставката има голем број портрети на љубовницата на Пикасо, Марија Тереза Валтер, меѓу кои и познатите дела „Сон“ и „Девојка пред огледалото“, кои се дел од колекцијата на МоМА во Њујорк и ретко се изнесуваат надвор од музејот.

Изложбата од Париз во февруари ќе се пресели во британскиот музеј „Тејт“.