Прославените карневалски паради во Рио де Жанеиро се вратија вчера во полн сјај за првпат од пандемијата на ковид-19. Најголемиот карневал на светот го достигна врвот на забавата откако врвните училишта за самба од Рио го отворија своето годишно натпреварување на популарниот Самбадром.
![](https://smart.sdk.mk/wp-content/uploads/2023/02/d36b1d017f711d5748ae59cd474bb34c17ec1647-623x410.jpg)
„Славењето на карневалот по пандемијата дава чувство на слобода и среќа толку големо што не можам ни да го опишам. Карневалот носи надеж дека следните години ќе бидат подобри“, рече 25-годишната танчарка Дебора Соареш.
![](https://smart.sdk.mk/wp-content/uploads/2023/02/Brazil-Carnival-10.jpg)
Рио е подготвен за огромна забава по два карневала нарушени од пандемијата и по поразот на Жаир Болсонаро на претседателските избори. Фестивалот беше целосно откажан во 2021, а ланското издание беше ограничено.
![](https://smart.sdk.mk/wp-content/uploads/2023/02/rio-704x410.png)
Училиштата за самба, гордост на сиромашните фавели во Рио, со месеци ги прават своите блескави костими и фантастични платформи, кои се заштитен знак на парадите, кои беа доста политички за време на владеењето на Болсонаро, што сега не е забележливо. Повеќето школи им се вратија на своите корени и ја слават афробразилската култура.
![](https://smart.sdk.mk/wp-content/uploads/2023/02/rio-epa-728x404.png)
![](https://smart.sdk.mk/wp-content/uploads/2023/02/afp_339m84u-jpg-631x410.jpg)
![](https://smart.sdk.mk/wp-content/uploads/2023/02/63f2dd4dcedda.image_-615x410.jpg)