КРУНИСУВАЊЕТО НА ЧАРЛС ЗАОКРУЖЕНО СО ПРВИОТ КОНЦЕРТ ВО ЗАМОКОТ ВИНДЗОР ДОСЕГА

Лондон, (Би-Би-Си)

Церемониите на крунисувањето на кралот Чарлс Трети и кралицата Камила беа заокружени синоќа со концерт во замокот Виндзор, прв кој се одржал во неговите рамки досега. Додека Чарлс и Камила седеа во кралската ложа, околу 20.000 присутни се забавуваа и вееја знамиња во подножјето на замокот.

(Фото: ПА)

Меѓу музичките ѕвезди кои настапија беа Кејти Пери, Лајонел Ричи, „Тејк дет“, Палома Фејт, Никол Шерцингер и Андреа Бочели, додека поканата ја одбиле Ед Ширан, Адел, Елтон Џон и Хари Стајлс.

Лајонел Ричи (Фото: АП)

Обраќајќи ѝ се на публиката за време на концертот, принцот Вилијам кажа дека покојната кралица Елизабета Втора би била горда мајка.

Таа е горе и сите нè држи на око. Тато, сите многу се гордееме со тебе и со твоите постигнувања во последните 50 години. Јас посветено ќе ви служам на сите, кралот, земјата и Комонвелтот“, изјави првиот престолонаследник.

„Тејк дет“ (Фото: АП)
На концертот имаше и шоу со дронови (Фото: Гети)