БАРСЕЛОНА И МАДРИД ГИ ОТВОРИЈА КАФУЛИЊАТА ДОДЕКА ШПАНИЈА ГИ ПОВИКУВА СТРАНСКИТЕ ТУРИСТИ ОД ЈУЛИ

Мадрид, (Гардијан)

Премиерот Педро Санчес им порача на странските туристи дека можат да го планираат својот одмор во Шпанија ова лето. Тој кажа дека земјата ќе се отвори за странските туристи на 1 јули, при што ќе начекаат безбедни услови, не прецизирајќи што значи тоа.

Од 25 мај, поголемиот дел на Шпанија е во втората фаза од владиниот план за деескалација, додека Барселона и Мадрид конечно влегоа во првата фаза, што дозволува собири до десет луѓе и отворање на терасите на кафулињата и рестораните со половичен капацитет. До 1 јули, се очекува Шпанија да биде во четвртата фаза, до кога ќе биде укинат и задолжителниот 14-дневен карантин за сите кои влегуваат во земјата.

Шпанија е втората најпосетена земја на светот, после Франција, со 80 милиони странски гости годишно.

„На Шпанија ѝ е потребен туризам. Денеска на сите им испраќам порака дека Шпанија ве очекува од јули“, изјави Санчес.

Шпанија прогласи вонредна состојба на 25 март и оттогаш беше во еден од најстрогите карантини во Европа.