Тим истражувачи го направи она што се верува дека е прво спуштање до дното на „Бунарот на пеколот“ во Јемен, 30 метри широка дупка во пустината, чие потекло е непознато. Официјално позната како Бунарот на Бархут, оваа огромна дупка е чудо на природата, со која се поврзуваат митови и легенди.

Дупката е длабока 112 метри

Место духови и демони, оманските истражувачи на дното, на длабочина од 112 метри, пронашле само змии, мртви животни, пештерски бисери и сталагмити.

„Имаше змии. Собравме примероци од вода, камења, почва и некои мртви животни и ќе ги анализираме во наредниот период“, изјави Мохамед Кинди, еден од осумтемина искусни истражувачи на пештери кои се спуштија во дупката.

На дното се пронајдени и пештерски бисери

Јеменските власти во јуни изјавија дека не знаат што се наоѓа во длабочините на дупката, од која излегува чуден мирис. Тие проценуваат дека дупката е стара милиони и милиони години.

Поблиску до границата со Оман отколку до главниот град на Јемен, Сана, локалниот фолклор вели дека дупката била создадена како затвор за демони, а низ вековите се ширеле приказни дека во неа живеат натприродни суштества и дека е порта на пеколот.