Првпат откако беше претворен во музеј пред 94 години, Забранетиот град во Пекинг ноќе ги отвори своите врати за јавноста и по тој повод, палатата беше спектакуларно осветлена. Изборот на боите не беше случаен: црвената, виолетовата и жолтата се сметаат за кралски бои во Кина и тоа имаше за цел да го долови чувството дека Забранетиот град бил древна палата на кинеските цареви.

Забранетиот град повторно бил отворен во 1925 година, но како палата-музеј, што уследило по абдикацијата на последниот кинески цар Пуји, кој потоа бил и протеран од комплексот.

Музејот ќе биде отворен две ноќи по ред како дел од Фестивалот на фенери, кој традиционално се одржува на 15. ден од новата лунарна година.

(Фото: Гети)

Посетеноста за двете вечери е ограничена на само 6.000 луѓе и картите биле разграбани во првите неколку минути од почетокот на онлајн продажбата, иако нивната цена била 5.000 јуани (740 долари).

Царската палата оваа година одбележува шест века постоење.