Футуристички железнички систем, во кој возовите се движат по виртуелни линии, беше промовиран во кинескиот град Жужоу.
Возилото се смета за прв паметен воз во светот, а ќе сообраќа низ улиците на Жужоу во провинцијата Хунан. Може да постигне брзина до 70 километри на час и има капацитет за 300 патници.
Железничкиот систем наречен АРТ или автономна железница е креиран од кинеската компанија ЦРРЦ „Корпорејшн Лимитед“, еден од најголемите светски производители на возови.
Првиот паметен воз е комбинација на автобус и трамвај, кој наместо да користи шини како трамвајот, следи бели знаци поставени на улиците со големина од 3,75 сантиментри.
Главниот инженер на возот Фенг Џиангуа вели дека виртуелниот железнички систем е многу поевтин во споредба со трамвајот и метрото. Изградбата на еден километар линија на трамвај чини од 17 до 23 милиони фунти, додека за паметниот воз ќе бидат потрошени од 5,7 до 11,4 милиони.
Џиангуа вели дека безбедноста е на високо ниво, возот ги препознава тротоарите кои се наоѓаат на трасата по која минува, а има и вградено разни други сензори, кои му даваат патни информации.
Паметниот воз официјално ќе биде пуштен во употреба на пролет, по што ќе биде воведен и во други градови низ Кина. Инженерите се надеваат дека во иднина тој ќе биде целосно автоматизиран.
