Зоолошка градина во Белгија објави дека се родиле близнаци панди, што е реткост за нивниот вид. Родителите, мајката Хао Хао и таткото Џинг Хуи дојдоа во зоолошката во 2014, а се позајмени на 15 години од Кина. Нивното прво дете Тијао Бао, се роди во 2016.

Зоолошката и ботаничка градина Паири Диаза рече дека близнаците, машко и женско претставуваат „нова надеж“ за пандите, кои според Светскиот фонд на див свет, ги има уште 2.000 во светот.

Фото: АФП

Мајката Хао Хаои ги родила мечињата во средата, прво машкото со тежина од 160 грама, а по два часа и женското од 150 грама.

„Добивањето на близнаци панди е прекрасна вест за овој исклучителен вид. Ние сме многу горди, ова е голема награда за нашите тимови кои се грижат за животните секојдневно“, вели директорот на Зоолошката, Ерик Домб.