Нововостановената изложба на Друштвото на ликовни уметници на Македонија „Голем формат“ ќе се отвори вечерва во Домот на АРМ во 20 часот и ќе може да се погледне до 25 октомври. Селектирани се 25 уметници со различен пристап кон техниките сликарство, скулптура, цртеж, колаж, експериментални техники и графика.
На изложбата учествуваат Ана Ивановска, Ана Трајковска, Ангелца Стоиљковиќ, Ацо Таневски, Давор Ќешќец, Душан Георгиевски, Златко Глигоров, Зулејха Али, Ивона Велковска, Ирена Паскали, Јасмина Новковска, Љубица Мешкова-Солак, Марија Светиева, Мирослава Трујкановиќ, Мице Јанкуловски, Нела Јанковска, Никола Пијанманов, Перо Кованцалиев, Слободан Живковски, Стефан Димовски, Стефан Младеновски, Стефан Хаџи Николов, Тања Таневска, Татјана Манева и Урош Вељковиќ.
Наградата за најдобро дело во голем формат ќе му биде доделена на Слободан Живковски за делото насловено „Демократски тоталитаризам“.
