Драмски театар денеска гостува во Подгорица со претставата „Мојот маж“, во рамките на црногорското издание на регионалниот театарски фестивал РУТА.
Во режија на Нела Витошевиќ, претставата „Мојот маж“ е колаж од расказите на Румена Бужаровска и авторски монолози. Драматург е Викторија Рангелова-Петровска, костимографка е Роза Трајчевска-Ристоска, сценограф Константин Трпеноски, а музиката е избор на Витошевиќ.
Во претставата играат Сара Климоска, Емилија Мицевска, Наталија Теодосиева, Сања Арсовска, Трајанка Илиева-Вељиќ, Игор Ангелов, Исмет Шабановиќ и Филип Трајковиќ.
„Во пресрет на ова гостување потсетуваме дека во рамките на фестивалот РУТА театарот гостуваше со ‘Мојот маж’ и на сцената на Местно гледалишче во Љубљана во 2022, каде што имаше извонреден прием“, велат од Драмски.
Премиерата на „Мојот маж“ беше во февруари 2020 и досега има 23 изведби.
(Фото: К. Галевски)
