Тоа беше подарок за светот од 10 милијарди долари, машина која треба да го покаже нашето место во универзумот. Вселенскиот инфрацрвен телескоп „Џејмс Веб“ беше лансиран пред точно една година, по три децении планирање, дизајнирање и изградба.
„Џејмс Веб“ ги оправда големите очекувања и е сè она што ни кажуваа дека ќе биде. Во јули беа објавени првите фотографии во боја, а потоа следеа и други, сите еднакво магични и фасцинантни.
Меѓу глетките кои „Џејмс Веб“ ни ги долови се маглината Кобилица, оддалечена 15 светлосни години од Земјата, галаксијата Тркало, чиј дијаметар изнесува 145.000 светлосни години и еден од најпознатите региони на небото, маглината Орион.
